婚宴司儀稿

婚宴中司儀的角色十分重要，因為，整埸婚禮的氣氛都是靠婚禮司儀所推動的。以下是一些司儀稿讓你參考：

男：Hello, 大家, 我係今晚既司儀, 我叫 （男司儀姓名）,
女：我叫 （女司儀姓名）
男：好多謝各位係百忙之中抽空蒞臨 （新娘姓名） 同 （新郎姓名） 既婚禮.
女：係呢 ? 你知唔知兩位新人拍咗幾耐拖呢 ?
男：唔經唔覺，佢地已經拍左拖好幾年嫁啦.
女：嘩! 終於都等到今日既大日子啦. 咁你又知唔知佢地係點樣相識既呢 ?
男：唔 ... 我都係知D 唔知D 喎……
女：不如我地依家一齊睇下佢地由細到大，相識到結婚既片段先, 陣間再話你知啦.
男／女：一齊去片 ...
(播片)
女：真係好幸福呀 ! 我地就以熱烈既掌聲歡迎一對新人進場啦 !
(拍手)
(進場) (放花炮)
(新人上台)
男：(請一對新人在台上就坐。)
* 新人到台前坐下
女：請張律師到台上主持婚禮.
男：請雙方的主婚人到台前証婚。
*這時可能由張律師主持，司儀在旁留意情況，按情況說話。當儀式完畢，叫會眾鼓掌。要求新郎親吻新娘。
女：有請一對新人進行一個簡單而隆重既切餅儀式 !
(切餅)